Солопром д.о.о. е основана во 1991 год. Со своето основање Солопром го промовира новиот концепт на продажба и услуги во дрвната индустрија на македонскиот пазар, со пионерска имплементација на бизнис концептот СЕ НА ЕДНО МЕСТО. Со тоа станавме промотори на овој бизнис концепт на македонскиот пазар, фокусирани на сегментот на средна до висока класа на материјали и производи.
Во 1998 год.концептот го дополнивме со услуги на доработка на плочести матерјали, односно кроење , кантирање и ЦНЦ услуги до фаза на полупроизвод .
Во 2004 год. , Солопром отвори уште едно продажно место – специјализиран дистрибутивен центар за големопродажба, на 20км од Скопје, на автопатот Скопје-Гевгелија. Овој проект ги пресретна барањата од страна на локалните дистрибутери и големи клиенти, кои се лоцирани надвор од Скопје.
Во периодот од 2007 до 2009 год .ги проширивме капацитетите на двете локации со доградба на нови магацински капацитети, како и имплементација на најсовремена технологија во сегментот на услугите за доработка и полупроизводи.
Во 2011 год., беа направени првите чекори на нашата најнова инвестиција, под проектно име “Солопром Архитект Спот”, која подоцна прерасна во новиот бренд на Солопром, под името Витрина. Во Октомври 2012 год., Витрина започна со работа, на локација во јадрото на Скопје, како место кое нуди нови декоративни и технички материјали, што ќе им овозможи на архитектите, дизајнерите и сите креативци, инспирација и реализација на нивната креативност во уникатни ентериери од висока класа.
