За нас – СОЛОПРОМ

НАШИОТ ПРОИЗВОД

Нашиот производ е големопродажба, дистрибуција и малопродажба на сите сегменти на материјали за изработка на мебел и ентериери, како и комплетниот сегмент на услуги на доработки до фаза на полупроизводи.

Солопром главна подружница - Скопје север, Бутел 1

Солопром д.о.о. е основана во 1991 год. Со своето основање Солопром го промовира новиот концепт на продажба и услуги во дрвната индустрија на македонскиот пазар, со пионерска имплементација на бизнис концептот СЕ НА ЕДНО МЕСТО. Со тоа станавме промотори на овој бизнис концепт на македонскиот пазар, фокусирани на сегментот на средна до висока класа на материјали и производи.

Големиот избор на плочест материјал, оплеменета иверка во преку 150 дезени и во различни дебелини, разни медијапан табли (сурови, фурнирани), лесонит табли, кујнски работни маси или маси за канцелариски бироа и др. Уште побогатиот избор на оков за мебел, од намало штрафче до најсофистичиран шиберски систем. Механизми кои воодушевуваат со нивниот дизајн и функционалност. Декоративен оков (рачки, закачалки, кваки и др.) со привлечни хармонични линии.

Ова е само дел од обемниот избор на технички и функционални материјали за ентериери кои ги нуди малопродажниот сектор на Солопром. Материјали од познати светски и европски фирми со долга историја, познати по константниот квалитет и напредок на технологијата за производство на нивните материјали. Токму нашата грижа на Македонскиот пазар да се донесат високо-квалитетни материјали, како и беспрекорната услуга на вработените, постојаниот развој на фирмата со цел да ги пресретне барањата на клиентите, прави да сме ПРВИОТ избор на секој инвеститор и изведувач.

Подружница Солопром КВ- Скопје југ, Кисела Вода

Подружница Солопром ЦДЦ - Катланово

НАШАТА ИСТОРИЈА

1991

СОЛОПРОМ Д.О.О. е основана на 15.10.1991.

ОПШТЕСТВЕНА ОДГОВОРНОСТ

Особено внимание посветуваме на постојана едукација и мотивација на вработените за подобро извршување на работните задачи, како и за заштита на животната средина, заради зголемување на вредноста кон потрошувачите, вработените и општеството во целина. Нашата компанија, активно ја подржува културата преку овозможување на услови за остварување на:

– дел од целите на одредени културни настани (Македонска Опера и Балет, КУД Танец, Design Week, Млада Македонска Асоцијација на Магионичари …);

– го подржува спортот ( македонската одбојкарска репрезентација );

– учествува во хуманитарни проекти ( СОС Детско Село, Меѓаши …).

KОН ИДНИНАТА

Нашите цели, вредности и имиџот на модерна и флексибилна компанија, способна за справување со глобалните предизвици, ги градиме врз база на долгорочен партнерски однос со нашите клиенти. Продолжуваме со понатамошен развој и подобрување на процесите, производите и услугите, како и со континуирана промоција на нови производи на македонскиот пазар.

БРЕНДОВИ

Солопром е насочен на Македонскиот пазар да донесе материјали и оков од висок ранг, современи решенија кои ги опфаќаат сите стилови на внатрешното уредување. За таа цел имаме партнерски односи со реномирани брендови од целиот свет, но секогаш сме во потрага и по нови брендови чии производи ќе ја доловат визијата на секој архитект, дизајнер и индивидуалец.